„Að koma aftur á vinnustaðinn er eins og að koma aftur heim.“ Upplifun kvenna á samskiptum í fæðingarorlofi

Tilgangurinn með þessari rannsókn var að skoða hvort tengsl séu á milli félagslegra tengsla starfsmanna á meðan á fæðingarorlofi stendur og upplifun þeirra á starfsöryggi og getu til að takast á við breyttar aðstæður að fæðingarorlofi loknu. Leitast var við að varpa ljósi á hvort sterk fyrirtækjamenning auðveldi starfsmönnum að snúa aftur til starfa í kjölfar fjarveru þeirra. Í ljós kom að flestar konur sem tóku lengra fæðingarorlof voru almennt tilbúnari til að snúa aftur til starfa heldur en þær sem tóku sér styttra fæðingarorlof og að félagsleg tengsl við samstarfsfélagana draga úr félagslegri einangrun og á sama tíma draga úr tilfinningum eins og óöryggi og kvíða. Á sama tíma virðast félagsleg tengsl viðhalda tengslum við fyrirtækjamenningu og gera því endurkomu starfsmannsins auðveldari.Lokuð af höfundi til 29. apríl 2014. Dagsetningu breytt í 30. júní 2013 af umsjónarmanni Skemmunnar skv. fyrirmælum frá viðskiptafræðideild